تويتر السياسة والانتخاب الرئاسي منقول تويتر @ahmedzaky

ملف استخدام تويتر من قبل المرشحين المحتملين لرئاسة قصر القبة، مين اللي بيكتب تويتس عمرو موسى؟ أنا أشك إنه يعرف يعني ايه ريتويت! هشام يوسف مدير مكتبه لما كان امين عام وحاليا مدير حملته وهشام بيحب يجيب العيال ببتوع الجامعه الامريكيه بالنسبة لحملة شفيق، على الصديق الوزير الفنان الطيار أحمد شفيق أن يدرك إن شغل: سوف نفتح لكم فرن، وسوف نغلق لكم الترعة، ما بقاش ياكل مع الناس! وطبعا ما قدرش أفتح بقي مع حملة خالد علي لأنهم صحابي بالرغم من أنهم بيفقعوني بتويتات من نوعية: شوفته في التلفزيون قعدت أعيط وحلفت أديله صوتي! طبعا الوحيد اللي مقدرش أفتح بقي معاه هو الصديق أبوالفتوح! كل رجالته في تويتر صحابي وكل ليلة شغالين ضرب في معسكر خالد علي من خلال حملة هياتم! وأرجو من الصديق حمدين صباحي يقول لحملته على تويتر تخف عن التايملاين بتاعي شوية، لأنه مبقاش مستحمل إعلانات عن ظهوره التلفزيوني المرطرط بكثافة على الصديق عمرو موسى أن يدرك أن أغلب المصريين في مجتمع تويتر من أصحاب العقول النقدية والذكاء الحاد والسخرية اللاذعة، فحرام يفقعنا بتويتاته!! لكن أظرفهم دما حملة أبواسماعيل على تويتر! مستعدين يعملوا أي حاجة من أجل نصرة مرشحهم بما فيها التهجم عليك واتهامك بإنك عميل وأمريكي متصهين ‎:) أتذكر ليلة اجتهد فيها أنصار أبوالفتوح، مش علشان يفكروا في الوصول للنجوع، ولكن علشان يعملوا بتاعة صفرا عليها اسمه ويحطوها على أفاتاراتهم ‎#عسل قام أنصار خالد علي دوروا على مصمم يتقاولوا معاه علشان بتاعة لونها مختلف، يحطوا عليها اسمه ويحطوها على أفاتاراتهم! لكن يبدو إنهم اكتفوا بصوره ‏ أكتر الناس تنظيما على تويتر هما أكثر الناس تنظيما في الشارع، وأعني طبعا الأصدقاء في الاخوان. تلاقي جناح بيضرب والتاني بيلاقي والتالت توافقي! ومن المدهش إن فلول الوطني كرروا فشلهم في الشارع، على تويتر! وما قدروش يحشدوا لقضيتهم وبقى ممثلهم زي شفيق أو الكاتب الصحفي، عبارة عن فلكلور!! أحلى ما في الموضوع إني نازل تريقة في أنصار أبوالفتوح وخالد علي وحمدين وأبواسماعيل وكل واحد فيهم بيعمل ريتويت بس للحاجة اللي بتضرب في منافسه! ‏لو حللنا ظاهرة الافراط في الحملات الانتخابية على تويتر، حنلاقي إن دة بيعبر عن فكرة تحقيق الأحلام المحبطة في مجتمع موازي للمجتمع الحقيقي ‎#لوز‏ ولو استمر التطور المجتمعي في تويتر، فزي ما عندنا ناشط تويتر ومرشح محتمل تويتر، ممكن قريبا يكون عندنا رائد فضاء على تويتر وبرنامج نووي كمان! ولأن مجتمعنا فشل في حياته الواقعية، لذا فقد اتجه أغلبه على تويتر لتحقيق ذاته! إلا سواقي الميكروباص لأنهم مش محتاجين عالم موازي حيث مفيش أجرة يعني مثلا المجتمع الياباني أو الألماني مش موجود على تويتر! ليه؟ لأنه شغال في المصانع وبيغير حكومته كل شوية وبيروح يلعب غولف ويصيد سمك وجمبري الافراط في ممارسة السياسة على تويتر يعني فشل تحقيقها على الواقع! زي بالضبط الشباب المراهق اللي مش قادر يتجوز وبيتجه للأفلام الثقافية! ‎#تعويض‏ واضح إن المجتمع على تويتر مأزوم لدرجة إنه بدأ يتعامل مع تويتس أنس حسن على أنها وصاية عليه أو مع تويتس التريقة على أنها إهانة للكرامة الوطنية